Tung hâi lơ 15/8, Vi ƀan pơkuâ Kuô̆k hô̆i tơkŭm po rôh kơ-êng ƀă tiâ mơnhên ƀă 2 khu tơdroăng ối tung kơvâ pôu râng dêi Khu xiâm mơjiâng luât, Khu xiâm ngăn chiâk deăng ƀă Mơnhông thôn pơlê.

Peăng kong má, pôa Lê Thành Long, Ngế xiâm ngăn tơdroăng mơjiâng luât tiâ rơkong kơ-êng ‘na mâu tơdroăng kố: Tơdroăng ki pêi pro mơjiâng luât, luât pơkâ; Mâu troăng hơlâ rak vế rơkê plĕng ƀă hồ sơ bro mâu hlá mơ-éa mâu tơdroăng tơkêa, kơxop hlá mơéa Chin phuh pơtroh ăm Kuô̆k hô̆i; Troăng hơlâ mơdêk ki rơkê ‘na luât, troăng hơlâ pơkuâ ngăn hnoăng pơkuâ, hbrâ mơdât kâ kơluâ liăn ngân tung hnoăng cheăng mơjiâng luât ối tung hnoăng cheăng pôu râng dêi Chin phuh.

Peăng kơxê, pôa Lê Minh Hoan, ngế xiâm ngăn chiâk deăng ƀă Mơnhông thôn pơlê tiâ mơnhên ‘na mâu tơdroăng kơ-êng ối tung kơvâ pôu râng dêi hnoăng cheăng dêi Khu xiâm ngăn chiâk deăng ƀă Mơnhông thôn pơlê.