A rôh hôp kố, Tíu xiâm tơnêi têa tơpui ăm rơkong veăng tơpui tối ‘na mơgêi mâu tơdroăng ki môi tiah a kơ’nâi kố: Tơdroăng cheăng kâ rêh ối pơlê pơla, liăn ngân tơnêi têa hơnăm 2023, túa pơkâ hơnăm 2024; Túa pơkâ liăn ngân – liăn tơnêi têa 3 hơnăm 2024 – 2026 ƀă tơdroăng pơkâ pêi pro liăn khế nếo; Mơgêi 10 hơnăm pêi pro Pơkâ Tíu xiâm Tơnêi têa 5 hneăng 11 ‘na mâu tơdroăng tŏng kum rêh ối pơlê pơla pơla hơnăm 2012 – 2020; Mơgêi20 hơnăm pêi pro Pơkâ Tơnêi têa 7 hneăng 9 ‘na mơdêk ivá rơdêi tơrŭm tâi tâng hdroâng kuăn ngo xua kuăn pơlê mơdrŏng, tơnêi têa rơdêi, pơlê pơla tơdâng tơ’mô, tơniăn krê, rơkê plĕng;

Mơgei 15 hơnăm pêi pro Pơkâ Tơnêi têa 7 hneăng 10 ‘na mơjiâng khu ki rơkê plĕng tung hneăng mơdêk rơdêi xúa kơmăi kơmok rơkê plĕng; Mơgêi 10 hơnăm pêi pro Pơkâ Tơnêi têa 8 hneăng 11 ‘na tơdroăng cheăng tung la ngiâ rak vế Tơnêi têa tung tơdroăng nếo; Túa pơkâ pêi pro tíu xiâm Đảng hneăng 14; ƀă mâu tơdroăng ki kal ki ê. Tơpui pơxiâm po rôh hôp, pôa Nguyễnm Phú Trọng, Kăn xiâm pơkuâ hnê ngăn Đảng pơkâ thế Tơnêi têa ƀă mâu kăn ki veăng hôp a rôh hôp kố mơdêk tuăn ngoâ rơkê, mơdêk hiâm mơno pôu râng dêi hnoăng cheăng, tơkŭm hriăn ngăn, tơpui tơno nhên, ăm rơkong veăng tơpui tối vâ pêi klêi mâu hlá mơéa tơbleăng, tơdroăng pơkâ ƀă séa ngăn, pơkâ a mơ’nui hneăng hôp. Tiô tối hdrối rôh hôp kố kô pêi cheăng troh hâi lơ 8/10.