VO4.Xơ Đăng - A tíu pêi cheăng Khu xiâm tơpui kâ, pôa Bùi Thanh Sơn, Ngế xiâm tơpui kâ kong têa ê hiăng tơdah jâ Wendy Sherman, Ngế xiâm phŏ má môi Khu xiâm tơpui kâ kong têa Mih klăng roh lăm pôu pêi cheăng Việt Nam sap hâi lơ 10 – 13/6/2022. A roh tơdah, Ngế xiâm tơpui kâ tối rơdêi, Việt Nam nhuô̆m Mih cho môi tung mâu khu tơrŭm cheăng ki kal má môi; hbrâ rơtế ƀăMih thăm tơrŭm cheăng tŭm têk prôk trâu hơngế, châ tơƀrê, păng ‘nâng tiô tơdroăng nhuô̆m tơniăn krê, hnoăng pơkuâ, tŭm têk tơnêi tơníu ƀă troăng pêi cheăng kal kí dêi rơpó.

Péa pâ tơpui tơno ‘na mâu troăng pêi ki nhên thăm mơnhông tơrŭm cheăng tung mâu kơvâ cheăng péa pâ môi tiah tơpui tơno khu râ kăn xiâm, hbrâ mơdât pơreăng, rak tơniăn cheăng kâ – rêh ối pơlê pơla klêi kơ’nâi pơreăng kân, tơpui tơno tê mơdró – mơ’no liăn cheăng, pro tơniăn tơdroăng klêi tơplâ tơplong hdrối nah, tơdroăng 'na tơnêi mơjiâng kơ koan pêi cheăng teăng mâ. Péa pâ xuân tơpui tơno ‘na mâu tơdroăng lâp plâi tơnêi ƀă kơpong rơtế rơhêng vâ ‘nâi plĕng môi tiah mâu troăng tơmiât pêi rơkê tơdjêp a kơpong Châu Á – Thái Bình Dương ƀă Ấn Độ Dương, ‘na tơdroăng têa kơxĭ Biển Đông, mơnhông krá tơniăn ƀă thăm tơrŭm hnê hriâm a kơpong Mekong, tơdroăng kong têa Rusi – Ukraina.

A Sa Ly tơplôu ƀă tơbleăng