VOV4.Xơ Đăng - Pôa Bùi Thanh Sơn, Ngế xiâm tơpui kâ hiăng krếo phôn kơ pôa Park Jin, Ngế xiâm tơpui kâ Hàn Quốc. A rôh krếo phôn tơpui, Péa ngế xiâm tơpui kâ hiăng vâ môi tuăn tơrŭm tơbleăng tơ-brê tơdroăng tơpui tơno tơrá mâu kăn tung khu ƀă hlối trâm mâ mâu kăn xiâm ƀă rêm râ ƀăng hên tơdroăng pêi tro tơ-brê, tơmâng mơdêk tơrŭm khât ‘na kơvâ cheăng lêng, kring tơniăn ƀă luât pơkâ tơrŭm cheăng pơla péa pâ ƀă hên troăng; mơhnhôk mâu khu mơdró Hàn Quốc mơdêk ‘no liăn cheăng a mâu kơvâ cheăng kơmăi kơmok ki xiâm tơdrêng ƀă pơ’lêh cheăng ƀă kơmăi kơmok ăm Việt Nam.

Pôa Bùi Thanh Sơn, Ngế xiâm tơpui kâ krếo phôn kơ ngế xiâm tơpui kâ  Hàn Quốc

‘Na tơdroăng lâp plâi tơnêi ƀă tung kơpong, péa pâ vâ môi tuăn pơtối tơrŭm krá, môi tuăn dêi rơpó tung tơdroăng tơleăng mơnhên mâu tơdroăng lâp plâi tơnêi ƀă tung kơpong ki péa pâ rơtế ‘nâi plĕng môi tiah Khu lâp kong têa, ASEAN- Hàn Quốc, Mekong - Hàn Quốc; pơtối rak vế hơniâp lěm, tơniăn, tơrŭm dêi rơpó ƀă mơnhông tơƀrê kơpong Biển Đông.

Gương tơplôu ƀă tơbleăng