Hâi lơ 25/9, drêng Khu kăn xiâm Việt Nam xua pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ djâ veăng hôp a Rôh hôp khu râ kăn xiâm tung la ngiâ, Hneăng hôp hô̆i đong Khu lâp kong têa hneăng 79, pêi cheăng a Mih, pôa Bùi Thanh Sơn, Ngế pro xiâm phŏ hnê ngăn tơnêi têa, ngế xiâm tơpui kâ tơnêi têa pin hiăng ai rôh trâm pôa Jonathan Finer, ngế xiâm phŏ gum cheăng gâk kring Mih.

Pôa Bùi Thanh Sơn, Ngế pro xiâm phŏ hnê ngăn tơnêi têa, Ngế xiâm tơpui kâ tối nhên Việt Nam ngăn Mih cho kong têa tơrŭm cheăng ki kal tung la ngiâ ƀă rơhêng vâ rơtế ƀă Mih pơtối ăm tơrŭm cheăng pơla péa tơnêi têa mot trâu hơngế, tơƀrê, tơniăn, krá ton tung tơdroăng ki loi nhuô̆m tơniăn krê, hnoăng pơkuâ ƀă mâu tơdroăng pơkâ dêi tơrŭm cheăng pơla péa pâ pro ai pơxúa ăm kuăn pơlê péa tơnêi têa ƀă veăng gum tung tơdroăng ki hơniâp lĕm, tơniăn, tơrŭm ƀă mơnhông a kơpong ƀă tung lâp plâi tơnêi.