A roh trâm mâ, pôa Hồ Đức Phớc, Phŏ Ngế pro xiâm hnê ngăn tơnêi têa hiăng tiâ hên pâ thế dêi kuăn pơlê, tối hên tơdroăng xiâm tơdjâk mơ’no liăn cheăng mơjiâng kơnâng kâng tât têa kơxĭ a bêng Quy Nhơn, pơkuâ kơxôp mơ-éa hnê hriâm, hbrâ mơdât tơmeăm ki ôh tá xê khât, lu lêa tê mơdró ƀă lu lêa ing măng. ‘Na tơdroăng rah xo pro lế lĕm tro tíu pêi cheăng tơnêi têa, Phŏ Ngế pro xiâm hnê ngăn tơnêi têa tối, tơdroăng rah xo bro lế lĕm tro khu pêi cheăng tơnêi têa kum khu râ kăn pêi cheăng châ tơƀrê, achê kuăn pơlê tâ.

Phŏ Ngế pro xiâm hnê ngăn tơnêi têa tối rơdêi pơkâ tơtêk a kơlo péa kơxô̆ vâ djâ tơnêi têa mot tung hneăng mơnhông mơdêk rơdêi, kro mơdrŏng. Vâ châ pơkâ mê, kal mơdêk pơhlêh troăng tơtêk, mơdêk xúa kŏng ngê̆, pơhlêh pro krúa lĕm, pơhlêh nếo tơmiêt pêi rơkê, pơhlêh pro mơ-éa ƀă troăng hơlâ hnoăng mơhá, liăn mơ’no hrê.