VOV4.Xơ Đăng - Pơtối mâu tơdroăng pêi cheăng a Hneăng hôp tiah hmâ rêm hơnăm roh má 52 Hneăng hôp cheăng kâ lâp plâi tơnêi (WEF) a Davos, kong têa Swiss, hâi lơ 23 ƀă 24/5/2022, pôa Lê Minh Khái, Ngế pro xiâm phŏ hnê ngăn Chin phuh hiăng veăng ƀă xông tơpui a mâu roh hôp ‘na ‘’Môi ASEAN pêi cheăng xúa kơmăi kơmok ăm tâi tâng kuăn pơlê’’ ƀă Roh tơpui tơno pơla mâu khu pơkuâ ‘na ‘’Mơjiâng tơdroăng cheăng kâ mơ-eăm xêh ăm tơtêk krá tơniăn’’; trâm mâ tơpui tơno ƀă Kăn xiâm pơkuâ kong têa Litva ƀă tơdah Kăn xiâm chêh tôm xo rơkong Khu tơrŭm cheăng ƀă Mơnhông mơdêk cheăng kâ.

Xông tơpui a mâu roh hôp ‘na ‘’Môi ASEAN pêi cheăng xúa kơmăi kơmok ăm tâi tâng kuăn pơlê’’, pôa Lê Minh Khái tối mâu troăng tơmiât pêi ƀă pơkâ troăng prôk mơnhông mơdêk dêi Việt Nam, tung mê, ai mơnhông mơdêk rĕng ƀă krá tơniăn păng ‘nâng khoa hok – kŏng ngê̆, pơ’lêh tơmiât pêi rơkê ƀă pơ’lêh pêi cheăng xúa kơmăi kơmok.

A Sa Ly tơplôu ƀă tơbleăng