Tơpui a rôh hôp mâu kăn mâu Khu xiâm kơvâ cheăng dêi tơnêi têa tối tung mâu khế apoăng hơnăm tơmeăm tê châ tơniăn, yă tê tơniăn há, tơdroăng tê mơdró tơtro ƀă tơdroăng chêh pơkâ ‘na yă dêi khu hnê mơhno hiăng pơkâ. Pôa Lê Minh Khái, Ngế pro xiâm phŏ hnê ngăn tơnêi têa pơkâ thế, mâu khu xiâm kơvâ cheăng, kong pơlê pêi tơƀrê ƀă rơkê ƀeăn tung cheăng xing xoăng pêi, pơxá, rak  tơniăn yă mâu tơmeăm ki tơnêi têa pơkuâ ngăn.

Rak tơniăn tơmeăm tê, hbrâ tŭm mâu khoăng ki kal vâ tơniăn ai tiô tơdroăng ki kuăn pơlê vâ rôe mâu phái, kế kâ, tơmeăm xúa rêm hâi, mâlối vâ tê hên tung mâu hâi leh, Têt ƀă a mơ’nui hơnăm.  Mâu kong pơlê hbrâ pêi pro rak ngăn hnoăng pơkuâ dêi tơnêi têa mâu tơmeăm tiô kơvâ pơkuâ, mơdêk séa ngăn, tí tăng ngăn pêi pro mâu tơdroăng tối ‘na yă, pơkâ yă; tơbleăng ăm ‘nâi tơleăng, nhên ‘na yă.