VOV4.Xơ Đăng - Tơpui a rôh po hneăng hôp tiah hmâ 52 Rôh hôp cheăng kâ lâp plâi tơnêi (tơkŭm po a Savos, Swiss), pôa Lê Minh Khái, Ngế pro xiâm phŏ hnê ngăn Chin phuh tối nhên ki tơdjâk dêi tơdroăng ôh tá tơniăn dêi pơreăng kân COVID-19 ƀă hơkăng ‘na tơdroăng kal kí dế pro chiâng ai mâu tơdroăng tơdjâk tá hâi chói trâm ai tơdjâk troh tơdroăng ki tê, yă tê kế tơmeăm mâu kế kâ tung lâp plâi tơnêi.

Pôa Lê Minh Khái, Ngế pro xiâm phŏ hnê ngăn tơnêi têa veăng hôp a rôh hôp WEF 52

Ngế pro xiâm phŏ hnê ngăn tơnêi têa tối 5 tơdroăng ki kal, tung mê ai tơdroăng ki mơdêk tơrŭm cheăng ƀă kong têa ê, troăng prôk ki hên tơdroăng, mơdêk hnoăng cheăng dêi khu tơrŭm kong têa ê vâ pơkâ tơleăng mâu tơdroăng ki ai tơdjâk troh kring vế kế kâ tung lâp plâi tơnêi ƀă kế kâ, tŏng kum liăn ngân ăm mâu kong têa dế mơnhông tơtêk, mơdêk túa pơkâ tơrŭm cheăng pái pâ ki Việt Nam tơbleăng hlo tơƀrê ƀă mâu kong têa châu Phi ƀă châu Mih La-tinh; Hơ’lêh nếo túa tơmiât, tơdroăng ki pro ivá nếo vâ mơdêk mơnhông dêi kơvâ pêi chiâk deăng ƀă mơjiâng pro kế kâ, malối cho xúa kăch măng kơmăi kơmok rôh má 4.

Katarina Nga tơplôu ƀă tơbleăng