Klêi tăng ngăn a mâu tíu tơnêi tơhnâp tơdrêng a 5 to kong pơlê dêi kơpong tơbăng kroăng Cửu Long xuân môi tiah a mâu kong pơlê kơpong Tây Bắc ƀă mâu tíu a Tây Nguyên, ăm hlo tơdroăng pơkâ pêi pro ‘mâi rơnêu tơdrêng a mâu  kơpong tơnêi tơhnâp. 

Pôa Lê Minh Khái, Ngế pro xiâm phŏ hnê ngăn tơnêi têa khĕn kơdeăn 13 to kong pơlê kơpong tơbăng kroăng Cửu Long ƀă mâu khu xiâm, kơvâ cheăng hiăng tối teăm tơdrêng ‘mâi rơnêu pro tíu tơnêi tơhnâp kĭng kroăng, kĭng têa kơxĭ xua hyôh kong prâi hơ’lêh, tơdjâk troh tơdroăng cheăng kâ - rêh ối.

Pôa Lê Minh Khái tối nhên: Ƀă tơdroăng kal pêi tơdrêng ‘na tơnêi tơhnâp, mâu kong pơlê, khu xiâm, kơvâ cheăng thế rĕng séa ngăn, tơrŭm ƀă, tối inâi tơdroăng tơkêa bro tíu tơnêi tơhnâp a kĭng kroăng a 13 to kong pơlê, pơlê kong kân kơpong tơbăng kroăng Cửu Long rĕng má môi, teăm tơdrêng, tơtro ƀă pơkâ dêi luât, ing tơdroăng nhoăm, ki kal, rĕng tơbleăng pêi pro.