VOV4.Xơ Đăng - Hâi lơ 6/4, a tíu pêi cheăng Chin phuh, pôa Lê Văn Thành hôp mơ’no tiô troăng hyôh Internet Khu hnê mơhno dêi tơnêi têa 'na tơdroăng Tơkêa pro Tơraih tơ-ƀai lâp plâi tơnêi Long Thành. Tiô tối tơbleăng dêi ngế xiâm pơkuâ ‘no liăn cheăng, drêng hiăng pê klêi tơdroăng cheăng rah xo Khu mơjiâng pro ƀă kĭ tơhrâ tơkŭm hai lơ16/3/2022, Khu xiâm pơkuâ kŏng ti tơraih tơbai Việt Nam (ACV) hiăng tơkŭm mơjiâng pro tâp trăng, meăn pro xiâm trăng hngêi tê ve\ ăm tơmối.

Klêi lối môi khế pro, tơdroăng gu tơnêi ok tơbêng ăm tơbăng hiăng pêi klêi tâi tâng mâu tíu ki pong tâp trăng mơnúa, tâi khế 3 kô châ 2,5 rơtuh khô̆i chiâ tơbêng luâ 500 rơpâu khô̆i tâng vâ pơchông ƀă pơkâ. ‘Na liăn, troh nôkố, Khu xiâm kŏng ti tơraih tơ-ƀai Việt Nam (ACV) hiăng hbrâ tŭm 36 rơtal liăn hbrâ vâ pêi pro tơdroăng tơkêa.

A hneăng hôp, mâu kăn tối tơdroăng gu tơbăng, ƀă pơcháu tơnêi dêi tơdroăng tơkêa pro tung la ngiâ kô ai hên ki pơ’lêh, laga xuân ối hrá tâng vâ pơchông ƀă pơkâ pro pá tung mơjiâng pro. Pôa Lê Văn Thành tối nhên pơkâ; Thế tơbleăng khŏm chiâng, mơjiâng tơdroăng tơkêa bro a hơnăm 2025; ki tơ-brê thế má môi ƀă thế rơtế ƀă mâu troăng rơhlâ đi đo mơdât mơ’nhiê liăn, mơdât tro lu\p, mơdât pro ôh tá tro tung pêi tơdroăng tơkêa bro.

Gương tơplôu ƀă tơbleăng