Diêp pơkâ ƀă xông tơpui a roh leh, teăng mâ khu râ kăn pơkuâ Đảng, Tơnêi têa, pôa Lương Cường, Kăn xiâm hnê ngăn tơnêi têa rơkâu pôa Lê Quang Minh, rơkâu Khu lêng kuăn pơlê Việt Nam ƀă Kơ koan xiâm Kal kí Khu lêng kuăn pơlê Việt Nam. Tối rơdêi, kố cho tơdroăng phiu ro, tơdroăng ki hâk mơnê, hâk tơngămdêi kăn ƀô̆, mâu lêng tâi tâng khu lêng; tơdrêng amê, xuân cho tơdroăng phiu ro, cho tơdroăng hâk tơngăm dêi ngế krê, rơpŏng ƀă pơlê xiâm pôa Lê Quang Minh.

Xông tơpui a roh leh, Thươ̆ng tươ̆ng Lê Quang Minh. Xông tơpui a roh leh, Thươ̆ng tươ̆ng Lê Quang Minh mơnhên kô hlê plĕng pêi pro trâu hơhngế tơdroăng hnê mơhno dêi Kăn xiâm hnê ngăn tơnêi têa; môi hiêm mơno ƀă Đảng, Tơnêi têa ƀă kuăn pơlê; thăm hriâm tâp ƀă pêi tiô rơkong hnê dêi Pôa Hồ Chí Minh, Kăn xiâm hnê ngăn tơnêi têa hneăng apoăng ‘na hiêm mơno mơngế pro kăn xiâm lêng: Hiêm mơno dêi mơngế pro kăn ƀô̆, sih quan khu lêng. Tơdrêng amê pơtối mơ-eăm, pơtâp, rak hiêm mơno lĕm kăch măng, hbrâ tơdah ƀă kêi đeăng tâi tâng hnoăng cheăng châ Đảng, Tơnêi têa, Khu lêng ƀă Kuăn pơlê pơcháu.