Tơpui a rôh pêi cheăng,  pôa Lương Cường - Kăn xiâm hnê ngăn tơnêi têa tối phiu ro troh lăm pôu mâu kăn ƀô̆, mâu lêng, Khu lêng 12- Khu lêng châ tơkŭm pêi pro tiô troăng “iâ mơngế, pêi cheăng rơhéa, rơdêi’’ ki apoăng dêi Khu lêng kuăn pơlê Việt Nam.

Teăng mâ kăn xiâm Đảng, Tơnêi têa, pôa Lương Cường - Kăn xiâm hnê ngăn tơnêi têa  tơmâng xo, khĕn kơdeăn mâu tơdroăng pêi tơƀrê ƀă hnoăng pêi rơkê kơhnâ khât ki mâu kăn ƀô̆ mâu lêng Khu lêng 12 hiăng pêi châ rơhéa tung mâu hơnăm hdrối.

Kăn xiâm hnê ngăn tơnêi têa pơkâ thế Khu lêng 12 kal tơkŭm pơkuâ hnê mơhno pêi klêi mâu pơkâ, tơdroăng cheăng ki Hneăng hôp Đảng tung lâp tơnêi têa rôh má 13, Pơkâ hneăng hôp Đảng ƀô̆ Khu lêng rôh má 11 ai tối. Khu lêng pơtối pêi tro tơdroăng cheăng tơrŭm ƀă râ ủy, mâu kăn, kuăn pơlê mâu kong pơlê  tíu ki pro đông, mơjiâng “hiâm tuăn kuăn pơlê  chân krá” kơpong pĕng kơnŏng krá tơniăn.