Tơbleăng a rôh trâm mâ, Kăn xiâm hnê ngăn tơnêi têa tối nhên, hơnăm 2025, cho hơnăm ai pơxúa ki kal ƀă tơnêi têa pin, hơnăm ai hên tơdroăng kal kí kân dêi Đảng, dêi tơnêi têa; hơnăm “pêi rĕng tơbrê, pêi rĕng klêi”, mơ-eăm pêi châ luâ mâu pơkâ ki hneăng hôp rôh má 13 dêi Đảng hiăng mơnhên, mơnhông djâ tơnêi têa khên tơnôu mot tung chal nếo, chal ki mơnhông pro kro mơdrŏng. Kăn xiâm hnê ngăn tơnêi têa pơkâ thế Binh chủng Đặc công đi đo pơhlêh nếo, mơdêk ki tơƀrê tung hriâm lêng, ki hdrối cho mơdêk tơƀrê tơdroăng hnê pơtâp lêng, ‘na voh, kih thuât ki rơkê ăm Đặc công.

Pakĭng mê pơtối tăng ‘nâi plĕng, pơtối mơnhông ‘na ngê̆ thuâ̆t tơplâ dêi Đặc công ăm tơtro ƀă luât pơkâ dêi tơnêi têa, pháu hnêa, trếo pơtôu ki ai ƀă ki pro nếo tung mâu hơnăm la ngiâ, tơtro ƀă pơkâ, hnoăng cheăng pêi, mơngế ƀă tung tíu ki pêi cheăng tíu tơplâ.