Xông tơpui a roh pêi cheăng, pôa Lương Cường, Kăn xiâm hnê ngăn tơnêi têa pơkâ thế kong pơlê, tung la ngiâ, kal pơtối hlê plĕng pêi pro trâu hơngế pơkâ, mơnhên troăng prôk la ngiâ mơ-eăm troh hơnăm 2030 djâ Thanh Hóa chiâng “Kong pơlê kro mơdrŏng lĕm, rơkê ƀă tiô rơxông nếo; môi tung mâu tíu xiâm kân má môi dêi kơpong Bắc Trung Bộ ƀă lâp tơnêi têa ‘na kơmăi kơmok pro on tơhrik ƀă uâ bro, mơjiâng pro; pêi chiâk deăng ki kơnâ tâk hên; mơdró logistics, ôm hyô, hnê hriâm ƀă hnê mơjiâng, khăm pơlât trâu hơngế; môi tơdroăng ki tơtêk nếo rơtế ƀă Hà Nội, Hải Phòng ƀă Quảng Ninh chiâng pŭn víu mơnhông a peăng kơnhŏng dêi Tơnêi têa’’, troh hơnăm 2045 cho “kong pơlê mơnhông tâu tâng ƀă tiô tuâ dêi lâp tơnêi têa’’.

Ing tơdroăng pêi pro mê, Kăn xiâm hnê ngăn tơnêi têa pơkâ thế kong pơlê kal đi đo rak ngăn mơjiâng Đảng ƀô̆, khu râ kăn pơkuâ ƀă khu cheăng kal kí krúa lĕm, krá tơniăn, rah tŭm tơtro, pêi cheăng xêt khât, châ tơƀrê hên.