Kăn xiâm hnê ngăn tơnêi têa tá hiâm mơno kheăn kơdeăn mâu tơdroăng châ tơƀrê ki kal ki mâu rơxông kăn pơkuâ, kăn ƀô̆ tơpui kâ ƀă kong têa ê châ tơƀrê. Sap ing apoăng pơla hneăng Hneăng hôp XIII troh nôkố, tơdroăng tơpui kâ ƀă kong têa ê, tơpui kâ hiăng châ tơƀrê hên tơdroăng ki kal, ki kơnâ tơdroăng mơnhông mơdêk, veăng gum tung tơdroăng châ tơƀrê tơdjuôm dêi tơnêi têa.

Tung mê, kal má môi cho tơpui kâ ƀă kong têa ê hiăng mơnhông ó rơdêi hnoăng djâ troăng ahdrối tung mơjiâng ƀă rak tơnêi tíu hơniâp lĕm, tơniăn ăm mơnhông mơdêk. ‘Na mơnhên troăng pêi la ngiâ ăm tơdroăng tơpui kâ ƀă kong têa ê tung la ngiâ, pôa Lương Cường, Kăn xiâm hnê ngăn tơnêi têa tối rơdêi pơkâ “xo tơdroăng ki ôh tá chiâng pơhlêh vâ hbrâ ví tâi tâng tơdroăng pơhlêh”, tơrŭm ƀeăn ƀĕng ivá ó rơdêi hdroâng mơngế ƀă ivá rơxông nếo, krá kâk ‘na pơkâ pêi cheăng ton xŏn, ƀeăn ƀĕng rơkê ‘na troăng hơlâ, tơniăn hôm má môi ki pơxúa tơnêi têa – hdroâng mơngế.

Tơdroăng tơpui kâ ƀă kong têa ê thế pêi pro hnoăng ối má môi cho gum tơniăn tơnêi tíu hơniâp lĕm, tơniăn, hbrâ mâu mơngế pêi cheăng ƀă tơ’lêi pakong vâ mơnhông tơnêi têa.