Kăn xiâm hnê ngăn tơnêi têa mơnhên Đảng ƀă Tơnêi têa Việt Nam môi tuăn ing apoăng troh tui lui nhuô̆m ƀă pói vâ pơtối mơdêk tơrŭm nhŏng o tiô khôi vâi krâ nah ƀă Mông Cổ tung mâu kơvâ, tơtro ƀă ivá ƀă tơdroăng kal vâ dêi péa pâ, tơxâng ki pơxúa ƀă tơdroăng pói vâ dêi kuăn pơlê rêm tơnêi têa, gum tung tơdroăng rak hơniâp lĕm, tơniăn, tơrŭm ƀă mơnhông a kơpong ƀă lâp plâi tơnêi.

Kăn xiâm hnê ngăn tơnêi têa mơnhên troăng tơmiât pêi sap apoăng troh tá tui lui dêi Việt Nam pói vâ pro trâu hơngế tâ tơrŭm nhŏng o tiô khôi vâi krâ nah, mâu troăng mơnhông hluâ pơkâ, păng ‘nâng ƀă tâi tâng pơla péa tơnêi têa. Péa pâ kal rĕng pêi pro mâu tơdroăng xiâm hiăng châ kĭ tơkêa klăng roh lăm pôu pêi cheăng dêi khu râ kăn pơkuâ râ xiâm péa tơnêi têa xuân môi tiah tơdroăng xiâm hneăng hôp péa Chin phuh, ki rơhêng vâ tối cho tung kơvâ cheăng kâ, tê mơdró, mơ’no liăn cheăng, gâk kring, vế tơniăn tơnêi têa, hnê hriâm ƀă tơrŭm cheăng pơla mâu kong pơlê.

Rơtế ƀă mê, péa pâ pơtối môi tuăn dêi pó tung mâu hneăng hôp tơpui tơno lâp plâi tơnêi tơtro ƀă luât lâp plâi tơnêi ƀă pơxúa dêi rêm tơnêi têa.