Tơmâng tối tơbleăng, pôa Tô Lâm, Kăn xiâm pơkuâ hnê ngăn cheăng Đảng khĕn kơdeăn khât mâu tơdroăng pêi pro tơƀrê dêi kong pơlê Bắc Ninh hiăng châ pêi pro tung tâi tâng mâu tơdroăng cheăng. Tơdrêng ƀă tơdroăng tối nhên mâu tơmeăm ai hlâu dêi kong pơlê, Kăn pơkuâ hnê cheăng Đảng pơkâ thế, tung la ngiâ Bắc Ninh pơtối tơmâng khât tơdroăng mơjiâng ƀă ‘mâi rơnêu Đảng, khu cheăng kal kí, pơhlêh nếo troăng hơlâ pơkuâ, vâ hnê pêi tơdroăng Pơkâ dêi Đảng châ xúa tung rêh ối; ki hdrối hnê mơhno tơƀrê hneăng hôp Đảng ƀô̆ rêm râ ƀă hneăng hôp Đảng ƀô̆ kong pơlê rôh má 21 hneăng hơnăm 2025-2030; pơtối tơbleăng pêi kơtăng, xing xoăng ngăn mơngế cheăng tung xiâm kal kí a kong pơlê, rah iâ tê mơngế pêi cheăng, vâ tơdrăng cheăng pêi tơƀrê, pơxúa, tro tiô pơkâ dêi Tíu xiâm tơnêi têa.

Kăn pơkuâ ngăn hnê cheăng Đảng xuân pơkâ thế Bắc Ninh tơrŭm tơmâng khât tơdroăng rêh ối dêi kuăn pơlê tung kong pơlê, tơmâng pơtối rak vế ki kơnía túa lĕm tro dêi kong pơlê. Rôh kố hbrâ tơdah Têt Lo hơnăm Ất Tỵ 2025, pôa Tô Lâm, Kăn xiâm pơkuâ hnê ngăn cheăng Đảng hiăng lăm pôu rơkâu têt ăm mâu kŏng nhân ƀă hlối tơbleăng pơxiâm pro “Tíu xối tơbâ Pôa Hồ ƀă kŏng viên Văn Miếu” a pơlê kong kơdrâm Bắc Ninh.