A chôu phut tơdah mê, pôa Lương Cường hiăng kơdeăn khĕn hôm khât mâu hnoăng tŏng gum ing Kăn teăng mâ tung pơla ối pêi cheăng a tơnêi têa Việt Nam, veăng tơbêng ƀă thăm mơdêk tơrŭm nhŏng o tiô khôi hmâ pơla peá pâ tơnêi têa tơdrêng amê, kơnôm ai Kăn teăng mâ kong têa Algeria, pơtroh rơkong rơkâu troh Chin phuh ƀă kuăn pơlê Algeria ‘na mâu hnoăng cheăng ki hiăng châ chiâng pêi pro tung hneăng mơjiâng ƀă mơnhông tơnêi têa.

Pôa Lương Cường vâ môi tuăn tối tiah kố, peá pâ tơnêi têa kal pơtối tŏng gum dêi pó tung mâu roh ki tơpui tơno pơla hên kong têa, veăng tơdjuôm môi hiâm mơno ăm tơdroăng hơniâp lĕm, tơniăn ƀă mơnhông krá tơniăn ton a péa kơpong ƀă tung lâp plâi tơnêi. Pôa Lương Cường rơkâu Kăn teăng mâ kô pơtối pêi châ tơƀrê mâu hnoăng cheăng ki kân, ki hên tâ nếo drêng xo pêi hnoăng cheăng ki nếo, maluâ mê cho a hnoăng cheăng ki lâi xuân pơtối ai hên hnoăng tŏng gum tơƀrê khât tung tơdroăng ‘mâi mơnhông tơrŭm cheăng nhŏng o pơla Việt Nam ƀă Algeria.