Kơxê lơ 28/4, a kong pơlê Hà Tĩnh, Pôa Lương Cường, Kăn xiâm hnê ngăn tơnêi têa hiăng tơdah pôa Thoong-lun-Xi-lu-lit, Kăn xiâm pơkuâ hnê ngăn Đảng, Kăn hnê ngăn kong têa Lếo drêng pôa troh Việt Nam veăng ai mâ a leh hiăng pro klêi tíu tot 3 – Kơno tuk Vũng Áng – môi tung mâu kế tơmeăm ki kal tơdjêp cheăng kâ pơla péa tơnêi têa ƀă veăng a leh tơbâ 50 hơnăm hâi tơleăng peăng Hdroh, pro tơnêi têa tơrŭm môi.

A rôh tơdah, Kăn xiâm hnê ngăn tơnêi têa rơkâu  ƀă mơnhên tối khât mâu tơdroăng ki pêi pro ƀlêi chiâng dêi Lếo hiăng pêi klêi tung pơla hdrối nah bă tối loi khât xua tơdroăng pơkuâ, hnê mơhno dêi Đảng Nhân dân kăch măng Lếo, ối a ko cho pôa Thoong-lun Xi-xu-lít, kong têa Lếo kô pơtối pêi châ tơƀrê hên tơdroăng ki nếo, tơdroăng kân tâ nếo, pêi pro ƀlêi chiâng Pơkâ Hneăng hôp XI, tơkŭm po ƀlêi chiâng Hneăng hôp Đảng Nhân dân Kăch măng Lếo XII. ‘Na tơdroăng ki hiăng pro klêi ƀă ăm xúa tíu to kơxô̆ 3 – Kơno tuk Vũng Áng, Pôa Lương Cường, Kăn xiâm hnê ngăn tơnêi têa loi, tíub tot kơxô̆ 3 – Kơnot tuk Vũng Áng kô pêi châ tơdroăng púi vâ pơto chơ tơmeăm rế hía rế tâk dêi péa tơnêi têa, gum ăm tơdeoăng ki pơto chơ tơmeăm ƀă tê mơdró tơrŭm cheăng ƀă Lếo, ing mê veăng gum ăm tơdroăng mơnhông ƀă tơrŭm cheăng kâ dêi rêm to kong têa.