Kăn xiâm hnê ngăn tơnêi têa tối, kuăn pơlê Việt Nam đi đo chôu vế ƀă nhoăm mâu tơdroăng veăng gum kơnía git ki kuăn pơlê Azerbaijan hiăng ‘măn ăm Việt Nam tung plâ mâu hơnăm hdrối. Kăn xiâm hnê ngăn tơnêi têa hâk mơnê Tíu xiâm kuăn pơlê dêi Việt Nam ƀă Tíu xiâm séa ngăn arak luât dêi Azerbaijan hiăng kĭ tung hlá mơ-éa chôu vế tơrŭm tung rôh lăm pôu rôh kố, ing mê, mơdêk ki tơƀrê tung tơdroăng séa ngăn, tơplâ mâu ngế xôi,  kring vế lĕm tro hnoăng pơkuâ kuăn pơlê, hnoăng pơkuâ kuăn pơlê, kring vế ki pơxúa dêi tơnêi têa, tơniăn mơnhông cheăng kâ-rêh ối dêi rêm tơnêi têa.

Kăn xiâm hnê ngăn tơnêi têa pơkâ thế Tíu xiâm séa ngăn arak luât péa tơnêi têa tơrŭm ƀă tơplâ mơdât mâu ki ai xôi, malối cho mâu ki ai xôi tơkâ luâ tơnêi têa, ai xôi ‘na kơmăi kơmok ƀă tơrŭm cheăng tung kơvâ ai pơxúa tung hnoăng cheăng pêi dêi péa pâ.