Pôa Lương Cường, Kăn xiâm hnê ngăn tơnêi têa veăng ai mâ ƀă tơpui a leh tơbâ. Diâp Me dái Hồ Chí Minh ăm khu lêng rak vế kuăn pơlê ƀă tơpui a rôh leh, teăng mâ kăn pơkuâ hnê ngăn Đảng, Tơnêi têa pôa Lương Cường, kăn xiâm hnê ngăn tơnêi têa tối nhên, Đảng ƀă Tơnêi têa pin ngăn nhuô̆m khât ƀă mơ-eăm môi hiâm mơno ƀă troăng hơlâ mơjiâng tơdroăng cheăng lêng tâi tâng kuăn pơlê, ivá tơplâ kuăn pơlê tro ƀă mơjiâng tơdroăng gâk kring kuăn pơlê, tơdroăng gâk kring kuăn pơlê ƀă “tơdroăng ‘na hiâm mơno kuăn pơlê” krá rơdêi.

Pôa Lương Cường, kăn xiâm hnê ngăn tơnêi têa pơkâ thế rêm râ, mâu kơvâ cheăng sap ing Tơnêi têa troh kong pơlê; Khu pơkuâ ngăn Đảng lêng Tơnêi têa, Khu xiâm pơkuâ ngăn lêng pơtối tơmâng ngăn ‘no liăn ƀă rak vế tơniăn tro má môi ăm khu lêng rak vế kuăn pơlê pêi cheăng tơƀrê tâ nếo, veăng gum rơtế ƀă tâi tâng Đảng, tâi tâng kuăn pơlê, tâi tâng khu lêng ăm tơnêi têa krá rơdêi mot tung chal ki nếo - chal ki mơnhông tơná rơdêi, kro mơdrŏng dêi hdroâng mơngế.