Pôa Lương Cường, Kăn xiâm hnê ngăn tơnêi têa veăng leh tơbâ. Hâk tơngăm ƀă rơrêk tung hiâm mơno vêh tơnâ mâu khế hơnăm tơbrêi tơƀrêh laga khên tơnôu, râ ó laga châ  kơnâ kân khât, Kăn xiâm hnê ngăn tơnêi têa tối rơdêi kố xuân cho roh vâ hvái ngăn troăng prôk mơnhông mơdêk ó rơdêi dêi Bình Phước – kơpong tơnêi môi hiâm mơno, ôh tá chiu thu, pêng păm khôi túa kăch măng ƀă khên tơnôu xông rơdêi ó rơdêi.

Kăn xiâm hnê ngăn tơnêi mơnhên Bình Phước ôh tá xê to mơ-eăm chiâng tíu eăng tung mơnhông cheăng kâ – rêh ối pơlê pơla, mê ối cho mơnhên ăm tơdroăng mơ-eăm, pói vâ mơnhông đi đo dêi môi kơpong tơnêi tro ‘nhê. Kăn xiâm hnê ngăn tơnêi têa tối rơdêi, mâu ki kơnâ hơniâp lĕm, môi tuăn ƀă mơnhông hâi kố châ mơjiâng ing mâu tơdroăng mơ-eăm, pleăng kân kĭn hâi hnah.

Tiô Kăn xiâm hnê ngăn tơnêi têa kố cho tơdroăng ki xiâm vâ rêm ngế kuăn Bình Phước kro mơdrŏng, tiô rơxông nếo, tơxâng ƀă khôi túa vâi krâ nah khên tơnôu ki mâu rơxông pôa pâ hiăng mơ’no hên ivá mơjiâng.