Teăng mâ Kăn xiâm pơkuâ hnê ngăn Đảng ƀă Tơnêi têa, pôa Lương Cường, Kăn xiâm hnê ngăn tơnêi têa pơtroh rơkong rơkâu ăm mâu ngế Việt Nam a kong têa ê phâi tơtô, rơkâu trâm hên tơdroăng ki lĕm má môi. Kăn xiâm hnê ngăn tơnêi têa ăm ‘nâi, Đảng, Tơnêi têa ƀă kuăn pơlê tung tơnêi têa đi đo tơmâng, séa ngăn tơdroăng ki kuăn pơlê pin a kong têa ê ƀă hâk tơngăm drêng hlo hơnăm hdrối nah, mơhé trâm hên xơpá, pơloăng mơnúa la kuăn pơlê pin xuân ối rak ki krá kâk, mơnhông tơdroăng rêh ối lĕm tâ.

Kăn xiâm hnê ngăn tơnêi têa ăm ‘nâi, Việt Nam dế hbrâ mâu tơdroăng vâ cheăng mot tung chal nếo ƀă tơdroăng hâk tơngăm khên tơnôu dêi rơpâu hơnăm mơjiâng ƀă rak vế tơnêi têa, Việt Nam thế xúa hên rôh ki mê. Kăn xiâm hnê ngăn tơnêi têa púi vâ rêm ngế kuăn pơlê Việt Nam, mơhé tung tơnêi têa lơ kong têa ê, thế rơtế ƀă dêi rơpó môi tuăn mơhno pêi cheăng tơdroăng ki kan dêi hdroâng mơngế.

Kăn xiâm hnê ngăn tơnêi tối, Đảng ƀă Tơnêi têa pin đi đo ‘măn ăm tơdroăng veăng tơmâng, tŏng gum ăm mâu kuăn pơlê pin ki rêh ối a kong têa ê.