Veăng Hneăng hôp ai 300 ngế kăn teăng mâ mâu tơdroăng mơ-eăm, pói vâ dêi vâ chê 85 rơpâu ngế đoân viên, kăn ƀô̆, kŏng chưk, viên chưk, ngế pêi cheăng ối tung Kŏng đoân Viên chưk Việt Nam. Hneăng hơnăm 2018 – 2023, mâu khu râ Kŏng đoân viên chưk Việt Nam pêi pro mâu tơdroăng ƀă 3 tơdroăng ki kal, ai hên troăng pơhlêh nếo troăng pêi cheăng, troăng pêi tơmiât rơkê vâ tơxâng mâu tơdroăng kal vâ nôkố, tơtro ƀă troăng mơnhông mơdêk tơdjuôm.

Hneăng hôp hiăng rah xo Khu pơkuâ Kŏng đoân viên chưk Việt Nam hneăng má 6 hneăng hơnăm 2023 – 2028 ai 35 ngế. Pôa Ngọ Duy Hiểu, Kăn phŏ hnê ngăn Tổng Liên đoân pêi cheăng Việt Nam pơtối châ loi tơngah, châ rah xo pro Kăn hnê ngăn Kŏng đoân viên chưk Việt Nam hneăng má 6. Hneăng hơnăm 2023 – 2028, Kŏng đoân viên chưk Việt Nam mơnhên 3 tơdroăng ki tơtêk mê cho: Mơjiâng Khu kăn ƀô̆ kŏng đoân mâu râ; Tơrŭm rơtế khu râ kăn pơkuâ kơ koan, tíu cheăng, khu tê mơdró mơdêk ki rơkê mơngế pêi cheăng; Mơdêk pơhlêh xúa kŏng ngê̆ tung tơdroăng pêi cheăng kơ koan, tíu cheăng, tơtrŏng pơhlêh xúa kŏng ngê̆ tung tơdroăng pêi cheăng Đoân Droh rơtăm.