Kăn xiâm phŏ hnê ngăn Kuô̆k hô̆i pói vâ kuăn pơlê kơpong kong ngo pơtối mơnhông hiâm mơno rŭm môi tuăn, tŏng kum dêi pó, kum dêi pó mơnhông pêt mơjiâng tơmeăm, gak ngăn kong ƀă mơ-eăm pro kro mơdrŏng ing kong. Kơpong kuăn pơlê rêh ối A Liêng, cheăm Tà Bhing ai 207 rơpŏng ƀă 810 pơ’leăng mâ mơngế ối tung mâu hdroâng kuăn ngo Ve, Jêh - Triêng, Khơ Mú, Xuăn ƀă hía hé... krê hdroâng kuăn ngo Cơ Tu châ 80% pơ’leăng mâ mơngế.

Hơnăm 2023, tơdroăng rêh ối tơmeăm khoăng, hiâm mơno dêi kuăn pơlê châ mơdêk, tơdroăng tuăn pâ kuăn pơlê tung pơlê, kơtâu rế hía rế krá. Kuăn pơlê kơpong kuăn pơlê rêh ối kơdrâm A Liêng, cheăm Tà Bhing rŭm môi tuăn kum dêi pó mơnhông cheăng kâ kơdrum, tơrŭm ƀă mơnhông păn kơpôu ro, í peâp. Mâu troăng pêi ‘’Rơpŏng kơhnâ hriâm’’ châ mơnhông ƀă po rơdâ.

Roh kố, pôa Nguyễn Đức Hải hiăng diâp 10 hngêi tuăn pâ ăm mâu rơpŏng kơtiê, mâu tơdroăng pá puât a cheăm Tà Bhing, tơring Nam Giang, rêm toăng hngêi kơnâ 60 rơtuh liăn; diâp hên kơxuô tơmeăm ăm hok tro, mơngế kơtiê, mơngế ki kuăn pơlê loi tơngah ƀă rơpŏng ai hnoăng tơnêi têa a cheăm Tà Bhing.