Rôh hôp xua Tíu xiâm lâp plâi tơnêi Khoa hok ƀă Hnê hriâm Tơrŭm ƀă Khu tơrŭm Kuô̆k hô̆i râ má môi kong têa ê tơkŭm po, ai inâi “Tơniăn ƀă tơdroăng ki ôh tá tơniăn ‘na têa: vêh pro tơdroăng ki rêh ối tơdjuôm hơniâp lĕm ƀă khoa hok”.

Tơpui a rôh hôp kố, pôa Nguyễn Đức Hải, Kăn xiâm phŏ hnê ngăn Kuô̆k hô̆i tối nhên, Việt Nam hiăng ai hên troăng hơlâ rak vế tơniăn ‘na têa, tơtrŏng troh tơdroăng ki pêi klêi troăng hơlâ luât, tung mê ai lối 100 kơtâ hlá mơ-éa pơkuâ ngăn ki ai tơdjâk troh têa. A Hneăng hôp má 6 a khế 10 la ngiâ kố ah, Kuô̆k hô̆i kô séa ngăn, tơbleăng Luât kong kế têa (ki ‘mâi rơnêu) vâ rơnêu tâi tâng ‘na têa; tơdrêng amê hlối hnê mơhno mâu kơ koan séa ngăn mâu Luât ki ai tơdjâk troh vâ rak vế tơniăn pêi klêi mâu tơdroăng ki mơjiâng luât ‘na rak tơniăn têa.

Kuô̆k hô̆i Việt Nam hiăng hbrâ rơnáu, pơkâ mơ’no mâu tơdroăng cheăng ƀă veăng tung mâu tơdroăng tơmiât lâp plâi tơnêi dêi Khu tơrŭm Kuô̆k hô̆i râ má môi Lâp plâi tơnêi.