A roh tơdah, Kăn xiâm pơkuâ Sarath Abeykoon kheăn kơdeăn roh lăm pôu pêi cheăng dêi pôa Nguyễn Đức Hải ƀă Khu râ kăn xiâm Kuô̆k hô̆i Việt Nam troh kong pơlê Trung, djâ troh tơdroăng tuăn pâ nhŏng o xuân môi tiah po hên roh tơ’lêi tơrŭm cheăng pơla kong pơlê Trung dêi Sri Lanka ƀă mâu kong pơlê dêi Việt Nam. Phŏ Kăn xiâm hnê ngăn Kuô̆k hô̆i tối rơdêi, trâm mâ tơpui tơno ‘na tơdroăng khôp Phop pơla Việt Nam ƀă Sri Lanka hiăng a sap ing ton nah.

Ƀă tơdroăng mơdêk ki kơnâ hơniâp lĕm, hiâm mơno lĕm, tơdroăng khôp Phop cho kơxái loi tĭng tơdjêp tuăn pâ ƀă tơdroăng pro nhŏng o pơla kuăn pơlê péa tơnêi têa Việt Nam ƀă Sri Lanka. Tối pơlê kong kân Kandy tối krê ƀă kong pơlê Trung dêi Sri Lanka tối tơdjuom ai hên tơmeăm ki mơnhông, ki tơ’lêi ƀă hên tíu ki môi tiah ƀă mâu kong pơlê peăng tơdế Việt Nam, Phŏ Kăn xiâm hnê ngăn Kuô̆k hô̆i pơkâ thế Kăn xiâm pơkuâ tơmâng mơdêk tơrŭm cheăng, kĭ môi tuăn mơjiâng tơrŭm pro nhŏng o ƀă mâu kong pơlê peăng tơdế dêi Việt Nam vâ mơnhông tơrŭm cheăng kâ, ôm hyô ƀă trâm mâ pơla kuăn pơlê.