Nguyễn Hòa Bình - Ngế pro xiâm phŏ hnê ngăn tơnêi têa, khĕn kơdeăn khât ki mơ-eăm, hlo mơ-eăm ‘nâng yôh ƀă mâu tơdroăng kal ki Đảng ƀô̆, mâu kăn ƀă kuăn pơlê dêi mâu hdroâng kuăn ngo tung kong pơlê Lâm Đồng; pơlê kong kơdrâm Đà Lạt hiăng pêi châ tơƀrê tung mâu hơnăm hdrối mê hía nah.

Pakĭng mê, tơtrŏng tung la ngiâ, kong pơlê kal pơtối tơmâng khât troh tơdroăng kring vế hyôh kong prâi, tơmâng troh pêi pro, tơdroăng rah xo, rôe ‘mot mâu hdrê reăng kơnía, pơxúa, tơtro ƀă tơdroăng hên mơngế kal vâ mơdêk ki tơbriêt tê ƀă mơnhông kơvâ pêt reăng krá tơniăn ton; mơhnhôk mâu khu tơrŭm tê mơdró, tơrŭm pơla khu mơdró ƀă mơngế ki pêt, kring vế tơniăn ƀă mơnhông inâi tơmeăm tê vâ châ tơ’mot tê a kơchơ mơdró plâi plâi tơnêi.

Festival reăng Đà Lạt rôh má 10 hơnăm 2024 ton troh tâi hâi lơ 31/12, tơhrâ ƀă hên tơdroăng, tơdroăng ki tơviah vâ tơ’mot tơmối ƀă kuăn pơlê a mâu cheăm, tơring tung kong pơlê ai hên rôh châ ngăn hlo tíu mơđah tơmeăm khoăng mâu um reăng loăng ki mơnâ mâ.