Klêi kơ’nâi séa ngăn a tíu ki ai xâu xía, apoăng khu kố tối xiâm kối chiâng ai tơdroăng ki tơnêi tơhnah a kơpong rơchoâ têa Đông Thanh ôh ti xê xua kong mêi, mê cho tơnêi tung kơpong kố ai môi tíu ki tơhnah klêh hiăng ai sap ing hdrối nah, drêng troh tơdroăng tơkêa kố châ bro tơ’nôm ƀă hên xiâm kối ki ê hiăng bro tơnêi tơhnah rĕng tâ.

Drêng klêi kơ’nâi lăm ngăn, khu kố hiăng ai rôh pêi cheăng ƀă kong pơlê Lâm Đồng ‘na hnoăng cheăng hbrâ ví khía mơhot têa kân lân lu, mơ’no mâu troăng hơlâ pêi ki ahdrối ƀă ki ton xŏn vâ ‘mâi mơnhông tơdroăng ki tơnêi tơhnah a rơchoâ têa  Đông Thanh.

Akố, pôa Nguyễn Hoàng Hiệp pơkâ thế kong pơlê Lâm Đồng kal pong hên trŭm vâ mơnhên nhên kơpong ki tro tơdjâk dêi mâu tơnêi tơhnah, tung tơdroăng mê vâ pơkâ mơ’no túa ki tŏng kum tơƀrê.