VOV4.Xơ Đăng - Klăng roh veăng Hneăng hôp Khu râ kăn xiâm ki má môi ASEAN – Mih a pơlê kong xiâm Washington D.C, Mih, pôa Nguyễn Hồng Diên, Ngế xiâm pơkuâ Kơmăi kơmok – tê mơdró hiăng pêi cheăng pơla péa pâ ƀă Kăn xiâm pơkuâ Khu xiâm pơkuâ gak kring kong têa Mih ƀă kơ koan pơkuâ ‘na xo hnoăng liăn mơhá tê rôe tơmeăm ngi kong têa ê ƀă gak kring tơkăng kong Mih, Khu râ kăn pơkuâ Grup pơkuâ tê ‘ngé Walmart.

Tâi tâng a roh pêi cheăng

Pôa Nguyễn Hồng Diên tối ăm ‘nâi Chin phuh xuân môi tiah Khu xiâm pơkuâ Kơmăi kơmok  - tê mơdró Việt Nam pói vâ thăm tơrŭm cheăng kâ, tê mơdró ƀă peăng kong têa Mih, ki rơhêng vâ tối ƀă mâu kơvâ pơchoh chêp hmân ếo, xua kố cho kơvâ ki tơdjâk troh tơdroăng rêh ối pơlê pơla, xúa rơtuh ngế pêi cheăng a Việt Nam.

Tơdjâk troh mâu pơkâ ‘na xiâm kối tơmeăm khoăng, Ngế xiâm pơkâ thế mâu kơ koan ki tơdjâk dêi Mih mơjiâng troăng pêi pro luât ôh tá tơdjâk pa kong, tơdâng tơ’mô, tơniăn pơxúa dêi mơngế pêi cheăng Việt Nam ƀă pơxúa păng ‘nâng dêi kơvâ tê tơmeăm khoăng ngi kong têa ê Việt Nam.

A Sa Ly tơplôu ƀă tơbleăng