Pôa Nguyễn Phú Trọng, Kăn xiâm pơkuâ hnê ngăn Đảng hâk mơnê Kăn xiâm hnê ngăn Kuô̆k hô̆i Cuba kăn teăng mâ xiâm Đảng, Tơnêi têa Cuba nhŏng o ƀă tơdroăng tơrŭm cheăng pơla Việt Nam - Cuba. Pôa Nguyễn Phú Trọng tối, Việt Nam đi đo nhoăm, rak vế ƀă mơ-eăm pêi trâu tâ tung tơrŭm cheăng tiah hmâ, malối cho tơrŭm tung tâi tâng tơdroăng cheăng  pơla Việt Nam - Cuba ƀă troăng rơhlâ vâ môi tuăn tơrŭm, veăng kum Cuba, tơtrâ ƀă krếo thế pơtê luât ki pơkâ mơdât ôh tá ăm cheăng kâ ƀă Cuba.

Péa ngế kăn xiâm vâ môi tuăn ‘mâi mơnhông tơrŭm kal kí pơla péa Đảng, pro troăng ki xiâm mơnhông tơrŭm cheăng pơla péa tơnêi têa, pơkâ thế mâu khu xiâm, kơvâ cheăng, khu tơrŭm cheăng ƀă kong pơlê péa tơnêi têa tơrŭm krá, tơbleăng pêi tro mâu tơdroăng tơhrâ tơrá mâu kăn, tơdroăng kĭ tơhrâ vâ mơnhông mơdêk tung tơrŭm cheăng kâ, tê mơdró, ‘no liăn cheăng, pêi chiâk deăng, hnê hriâm, kơmăi kơmok sinh hok, pơkeăng khăm pơlât.