A rôh tơdah, pôa Nguyễn Phú Trọng, Kăn xiâm pơkuâ hnê ngăn Đảng tối, Việt Nam đi đo môi tuăn tung mơjiâng ƀă mơnhông kong têa Kul loi khât Kul kô pơtối châ pê klêi mâu tơdroăng cheăng ki kân, tŭm tơdroăng hên tâ nếo tung pêi pro tiô Luât pơkâ dêi Đảng CPP pơla hơnăm 2023-2028 ƀă mâu troăng rơhlâ vâ pêi dêi Chin phuh hneăng má 7 ai pơkâ.

Kăn xiâm pơkuâ hnê ngăn Đảng pơkâ thế péa tơnêi têa péa pâ tơbleăng pêi tơƀrê tơdroăng tơpui tung rôh râm mâ pơla kăn xiâm péa Đảng ƀă Rôh trâm mâ pơla Pái ngế kăn pơkuâ xiâm dêi pái Đảng Việt Nam - Kul - Lếo; pơtối hơ’lêh nếo troăng rơhlâ tơrŭm cheăng pơla péa Đảng vâ châ pêi tiô pơkâ tung tơdroăng rêh ối nếo nôkố.

Ing mê, pơtối ngăn tơrŭm kal kí cho tơdroăng ki xiâm pơkâ mâu tơdroăng vâ pêi tung tơrŭm cheăng pơla péa tơnêi têa; mơnhông tơrŭm ‘na cheăng lêng, kring gak tơniăn; mơdêk tơrŭm tơpui kâ; ‘na cheăng kâ, túa lĕm tro, hnê hriâm, khoa hok - kih thuât ƀă mơdêk trâm mâ tơpui ƀă kuăn pơlê.