Tung 5 hơnăm achê kố, rêm hơnăm Khu pơtâng tối tơdroăng kal Tơnêi têa pơrá tơbleăng tơdroăng tơ’noăng ƀă ô eăng mâu khu pú hên, mâu ngế krê ki kơhnâ rơkê tung tơdroăng hriâm tâp ƀă pêi pro tiô tuăn tơmiât, hiâm mơno, túa rêh ối Hồ Chí Minh, hơnăm kố, ai 67 ngế ki kơhnâ rơkê châ ô eăng.

Pôa Nguyễn Phú Trọng, Kăn xiâm pơkuâ hnê ngăn Đảng tối rơdêi, tuăn tơmiât, hiâm mơno, túa rêh ối Hồ Chí Minh cho môi tơdroăng ki kơnía tung hiâm mơno kăch măng ki kơnía git, tơrŭm ki kơnía hiâm mơno lĕm, chiâng tơdroăng pơkâ tro vâ mơjiâng, ‘mâi rơnêu mơhno túa lĕm tro, mơjiâng kuăn mơngế Việt Nam tung chal nếo.

Pôa Nguyễn Phú Trọng, Kăn xiâm pơkuâ hnê ngăn Đảng tơngah tung la ngiâ kô rế hía rế ai tơ’nôm hên mâu ngế ki djâ troăng ahdrối, kơhnâ rơkê veăng kum pro ăm tuăn tơmiât, hiâm mơno, túa rêh ối dêi Pôa đi đo ối rơtế ƀă Hdroâng mơngế Việt Nam.