VOV4.Xơ Đăng - Kơxêi lơ 25/4, a tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng hiăng tơdah kăn teăng mâ Mih cho pôa Marc E. Knapper  troh koh tơpui tơno drêng rôh pơxiâm xo pêi hnoăng cheăng a Việt Nam. Pôa Marc E. Knapper, Kăn teăng mâ nhoăm hlối mơnê kơ pôa Nguyễn Phú Trọng hiăng mơdoh hâi tơdah, tối sôk ro ƀă hâk tơngăm châ vêh pêi cheăng a Việt Nam tung pơla dế to pro kăn cho kăn teăng mâ Mih a Việt Nam. Pôa Marc E. Knapper tối Mih môi tuăn môi tơnêi têa Việt Nam rơdêi, tơniăn, hơniâp ro ƀă mơdêk tơrŭm cheăng pơla péa tơnêi têa ing tơdroăng loi nhoăm ƀă luât pơkâ ‘na kal kí dêi rơpó. Kăn teăng mâ kô mơ-eăm veăng ‘no hnoăng mơnhông mơdêk dêi tơdroăng tơrŭm cheăng pơla Mih - Việt Nam.

Pôa Nguyễn Phú Trọng rơkâu kăn teăng mâ Mih xo pêi hnoăng cheăng ki kal nếo a Việt Nam; pâ thế pôa Marc E. Knapper, Kăn teăng mâ pơtối hnoăng cheăng pêi cheăng ƀă mơnhông mơdêk tơrŭm cheăng pơla péa tơnêi têa ƀă hên tơdroăng blêi trâng tung hneăng cheăng a Việt Nam.

Gương tơplôu ƀă tơbleăng