A Rôh pêi cheăng, tơbâ mâu tơdroăng ki lĕm kơtăn kố vâ chê 10 hơnăm troh lăm pôu ƀă pêi cheăng a kong pơlê Lạng Sơn, pôa Nguyễn Phú Trọng tối sôk ro hlo mâu tơdroăng pơ’lêh dêi kong pơlê ƀă xuân tối nhên mâu tơdroăng ki u ối hâi pêi pro ki pro hâi tro, môi tiah: tơdroăng cheăng kâ dêi kong pơlê ối kŭn, mơnhông cheăng kâ hâi tơxâng ƀă tơmeăm ai hlâu, ki rơdêi ƀă ki rơlối tơnêi tíu mơnhông dêi kong pơlê.

Ki tơƀrê xăm kơtiê krá tơniăn ton ối hên xơpá, malối cho a kơpong hngế hngo, kơpong kuăn ngo... ‘Na tơdroăng cheăng tung la ngiâ, pôa Nguyễn Phú Trọng pơkâ thế, Đảng ƀộ Lạng Sơn pơkâ, tơdroăng cheăng ki kal ƀă ki tơƀrê, vâ tơkŭm mâu kăn, hnê mơhno pro xiâm ki pơ’lêh  nếo, rơdêi tâ nếo, tung mơnhông cheăng kâ-rêh ối, môi tiah Pơkâ Hneăng hôp Đảng ƀô̆ kong pơlê hiăng pơkâ.

Tung mê, thế ‘nâi nhên, mơnhông cheăng kâ tíu tê mơdró kăng kong ôh tá xê to mơnhông cheăng kâ dêi kong pơlê mê ki kal tâ cho vâ veăng mơnhông cheăng kâ dêi lâp tơnêi têa, malối cho mâu kong pơlê peăng kơnhŏng, hlối mơdêk tơrŭm ƀă kong têa ki achê, loi nhoăm ƀă kong têa pú  Sinuâ