.VOV4.Xơ Đăng -  Kơxo lơ 13/7, a Hà Nội, khu Đảng lêng xiâm Tơnêi têa tơkŭm po hôp tối tơdroăng hiăng pêi pro dêi mâu lêng, tơdroăng kring gak tơkăng kong 6 khế apoăng hơnăm ƀă tơbleăng tơdroăng cheăng pêi tung 6 khế mơ’nui hơnăm 2022. Pôa Nguyễn Phú Trọng, Kăn xiâm pơkuâ hnê ngăn Đảng, Kăn hnê ngăn Đảng lêng xiâm tơnêi têa pơkuâ hneăng hôp. Tơbleăng  mơgêi a hâi hôp, pôa Nguyễn Phú Trọng khĕn kơdeăn kăn ƀô̆, mâu lêng tung tâi tâng lêng hiăng môi tuăn pê klêi hnoăng cheăng lêng, tơdroăng kring gak tơniăn 6 khế apoăng hơnăm 2022. 

Pôa Nguyễn Phú Trọng, Kăn xiâm pơkuâ hnê ngăn Đảng pơkuâ hneăng hôp mâu Đảng lêng xiâm tơnêi têa

Vâ pêi tro tơdroăng cheăng ki kal 6 khế mơ’nui hơnăm Kăn xiâm pơkuâ hnê ngăn Đảng pơkâ thế: khu Đảng lêng xiâm Tơnêi têa, Khu xiâm pơkuâ ngăn lêng tơkŭm mâu kăn, hnê mơhno pêi tơ-brê tơdroăng cheăng tiô pơkâ hneăng hop roh má 13 dêi Đảng, Pơkâ hneăng hôp Đảng ƀộ mâu lêng roh má 11. Tơkŭm pơkuâ hnê mơhno mơdêk ivá cheăng tí tăng ‘nâi plĕng, tối tơbleăng hdrối tơdroăng, hbrâ, ƀĕng ƀeăn, teăm tơdrêng tí tăng ‘nâi plĕng ăm Đảng, tơnêi têa tơleăng mơnhên klêi mâu tơdroăng, pôi tá tơngôu, pôi ta kơdrâ, kring vế tơniăn hnoăng pơkuâ, môi tuăn tung lâp tơnêi têa .

Gương tơplôu ƀă tơbleăng