VOV4.Xơ Đăng - Kơxo lơ 17/6, xua pôa Nguyễn Phú Trọng-Kăn xiâm pơkuâ hnê ngăn Đảng pơkuâ hneăng hôp tơkŭm po tâi tâng tung lâp tơnêi têa tơbleăng tơdroăng pơkâ 12 hâi lơ 16/3/2022 dêi khu xiâm kal kí ‘na “Mơdêk mơjiâng mâu khu lêng kŏng an kuăn pơlê krúa lĕm, krá rơdêi, hlê plĕng, ƀĕng ƀeăn, rơkê tiô túa nếo, ai tiô púi vâ hnoăng cheăng pêi tung tơdroăng nôkố’’.

Tâ tá hneăng hôp

Pôa Nguyễn Phú Trọng tối tiah kố, vâ pêi tro tâ nếo hnoăng cheăng, tơdroăng cheăng cho dêi mâu lêng ki xiâm tung rak vế kring tơniăn tơnêi têa, rak tơniăn pơlê pơla; Đảng, Tơnêi têa ƀă kuăn pơlê pâ thế mâu lêng kŏng ăn kuăn pơlê đi đo thế hbrâ rơnáu, pơtối rak hnoăng cheăng hmâ pêi khên tơnôu, rơkê plĕng; mơ-eăm ôh tá la lâi pơtê, tơkâ luâ tŭm tơdroăng xơpá, pơloăng mơnúa, pê klêi tŭm tơdroăng cheăng ki Đảng tơnêi ƀă kuăn pơlê pơcháu.

Pôa Nguyễn Phú Trọng pâ thế, tâi tâng mâu lêng malối tơmâng khât troh 5 tơdroăng, tung mê tơmâng troh mơjiâng khu lêng kŏng an rơdêi, môi tuăn ƀă tơnêi têa, ƀă Đảng kuăn pơlê ƀă luât xah hô̆i chuh ngiah, pêi tro tiô pơkâ, tuăn rơkê kăch măng dêi Đảng.

Gương tơplôu ƀă tơbleăng