VOV4.Xơ Đăng - Kơxo lơ 22/4, Khu xiâm kal kí, Khu kăn tơkŭm po hneăng hôp tung lâp tơnêi têa ƀă mơ’no tung hyôh Internet hnê tối, tơbleăng pêi tơdroăng pơkâ kơxô̆ 13 dêi khu xiâm kal kí hneăng 13 ‘na mơnhông mơdêk cheăng kâ rêh ối ƀă rak tơniăn tơdroăng cheăng lêng kơpong tơbăng kroăng Cửu Long. Tơbleăng a hneăng hôp, pôa Nguyễn Phú Trọng hiăng tối nhên 3 tơdroăng ki xiâm dêi tơdroăng Khu xiâm kal kí pơkâ nếo ‘na kơpong tơbăng kroăng Cửu Long. Tung mê, ai tơdroăng ki nếo tung pơkâ 13, mê cho hiăng ‘nâi nhên pơkâ tâi tâng ƀă mâu tơdroăng pơkâ ki nhên vâ mơ-eăm troh hơnăm 2030: Kơpong tơbăng kroăng Cửu Long ƀă kơpong nhâ loăng kuăn kiâ, rơkê plĕng ƀă krá tơniăn ton, mơhno túa vêa vong ki lêm têa kroăng; cho tíu xiâm pêi klâk krá tơniăn ton, rơkê plĕng ƀă tơ-ƀrê dêi tơnêi têa, kơpong ƀă lâp plâi tơnêi’’.

Pôa Nguyễn Phú Trọng, Kăn xiâm pơkuâ hnê ngăn Đảng tơbleăng a hneăng hôp

Pôa Nguyễn Phú Trọng Kăn xiâm pơkuâ hnê ngăn Đảng tối nhên 5 tơdroăng kal tơbleăng pêi tung la ngiâ, pơkâ thế, Khu kăn Đảng, Chin phuh thâ mơjiâng, pơkâ tơdroăng vâ tơbleăng pêi tiô tơdroâng ki hiăng pơkâ, pơcháu hnoăng cheăng nhên ăm mâu khu xiâm, kơvâ cheăng a râ xiâm ƀă mâu kong pơlê tung kơpong.

Gương tơplôu [ă tơbleăng