VOV4. Xơ Đăng -  Kơxê lơ 20/4, pôa Nguyễn Phú Trọng, Kăn xiâm pơkuâ hnê ngăn Đảng hiăng tơdah Kăn xiâm hnê ngăn Kuô̆k hô̆i râ má môi Ấn Độ, cho pôa Om Birla ƀă Khu kăn Kuô̆k hô̆i Ấn Độ lăm pôu Việt Nam, khe\n kơdeăn tơdroăng mơnhông tơ-brê tơniăn tơrŭm cheăng pơla péa tơnêi têa, tối hneăng lăm pôu Việt Nam  dêi pôa Om Birla rôh kố ai pơxúa kal khât, malối tung pơla péa tơnêi têa po leh tơbâ 50 hơnăm mơjiâng tơrŭm cheăng tơpui kâ tung hơnăm kố, veăng ‘no hnoăng ‘mâi mơnhông ƀă mơdêk tơrŭm cheăng tung tâi tâng tơdroăng pơla péa tơnêi têa.  

Tâ tá rôh hôp dêi pôa Nguyễn Phú Trọng, Kăn xiâm pơkuâ hnê ngăn Đảng

Pôa Nguyễn Phú Trọng vâ môi tuăn mâu tơdroăng pơkâ mơdêk tơrŭm cheăng dêi kăn hnê ngăn Kuô̆k hô̆i râ má péa Ấn Độ, pâ thế péa pâ tung la ngiâ pơtối tơrŭm ƀă tối ăm dêi rơpó ‘nâi mâu tơdroăng rak tơniăn tâ nếo tơrŭm tung tâi tâng tơdroăng. Kăn xiâm pơkuâ hnê ngăn Đảng xuân pơkâ thế péa pâ pơtối tơpui tơno, hnê tối tơrŭm krá tung mâu tơdroăng dêi hneăng hôp lâp plâi tơnêi.

Gương tơplôu ƀă tơbleăng