VOV4.Xơ Đăng - Kơxê lơ 28/4, a Tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng  hiăng tơdah Khu râ kăn xiâm kong têa Lếo xua jâ Pany Yathotou, Kăn xiâm phŏ hnê ngăn kong têa Lếo lăm pôu pêi cheăng a Việt Nam. Pôa Nguyễn Phú Trọng kheăn kơdeăn tơdroăng ki kơnía roh lăm pôu pêi cheăng trâu hơngế tơrŭm cheăng ki má môi ƀă loi tơngah dêi pó Việt Nam – Lếo; tối rơdêi ki kal dêi tơdroăng đi đo thăm rak krá tơniăn ƀă thăm tơrŭm Việt Nam – Lếo ƀă tơdroăng tơniăn ƀă thăm tơrŭm pơla Việt Nam – Lếo ƀă tơdroăng tơniăn ƀă mơnhông mơdêk a rêm kong têa xuân môi tiah ƀă hơniâp lĕm, tơrŭm ƀă mơnhông mơdêk tung kơpong ƀă lâp plâi tơnêi.

Pôa Nguyễn Phú Trọng phiu ro tơdroăng châ tơƀrê roh tơpui tơno pơla péa Kăn xiâm phŏ hnê ngăn tơnêi têa; pơkâ thế péa pâ thăm tơrŭm, hbrâ pêi pro châ tơƀrê mâu tơdroăng môi tuăn pơla khu râ kăn xiâm péa Đảng, péa tơnêi têa, tung mê, pơtối djâ tơrŭm cheăng kal kí thăm trâu hơngế, tơrŭm krá tơniăn ‘na cheăng lêng, gak kring ƀă tơpui tơno ƀă kong têa ê, thăm mơdêk châ tơƀrê tơrŭm ‘na cheăng kâ, khôi túa lĕm tro, hnê hriâm ƀă hía hé.

A Sa Ly tơplôu ƀă tơbleăng