VOV4.Xơ Đăng - Kơxê lơ 16/5, a Tíu pêi cheăng xiâm Đảng, pôa Nguyẽn Phú Trọng, Kăn xiâm pơkuâ hnê ngăn Đảng hiăng tơdah jâ Katerina Sakellaropoulou, Kăn xiâm pơkuâ kong têa Grê-cô ƀă Khu kăn xiâm dêi chin phuh Grê-cô troh koh tơpui tơno drêng lăm pôu Việt Nam. Pôa Nguyễn Phú Trọng hâk mơnê Kăn xiâm pơkuâ kong têa Grê-cô ƀă mâu kăn xiâm Chin phuh Grê-cô lăm pôu Việt Nam hlối rơkâu kơ jâ  Katerina Sakellaropoulou châ rah xo pro kăn xiâm pơkuâ kong têa Grê-cô cho kăn xiâm kơdrâi ki apoăng  dêi kong têa Grê-cô.

Tâ tá hneăng hôp dêi pôa Nguyễn Phú Trọng, Kăn xiâm pơkuâ hnê ngăn Đảng

Kăn xiâm pơkuâ hnê ngăn Đảng xuân tơpui tơno ƀă kăn xiâm pơkuâ kong têa Grê-cô ‘na mâu hnoăng pơ’lêh nếo, pơkâ mơnhông mơdêk Việt Nam ƀă troăng rơhlâ tơpui kâ tơniăn, pơkuâ dêi, hơniâp, tơrŭm tơ-rôa ƀă mơnhông mơdêk; Việt Nam cho pú, kong têa ki nhoăm, mâu ngế ai hnoăng dêi kuăn pơlê tung lâp plâi tơnêi, hbrâ tơrŭm cheăng ƀă lâp plâi tơnêi. Péa ngế kăn xiâm xuân vâ môi tuăn mơdêk tơrŭm cheăng kal kí, mơdêk tơrŭm, kum dêi rơpó a mâu hneăng hôp lâp plâi tơnêi.

Gương tơplôu ƀă tơbleăng