Pôa Nguyễn Phú Trọng, Kăn xiâm pơkuâ hnê ngăn Đảng tối nhên, hneăng lăm pôu cho hdró tơdroăng ki kal, mơhno tơrŭm cheăng tiah hmâ ƀă púi vâ tơdjuôm dêi péa tơnêi têa cho mơdêk tơrŭm mơnhông mơdêk tâ nếo xua vâ pro pơxúa dêi péa tơnêi têa, xua hơniâp lĕm, tơrŭm tơrôa ƀă mơnhông mơdêk kơpong ƀă tung lâp plâi tơnêi.

Pôa Nguyễn Phú Trọng tối Việt Nam ngăn tơdroăng mơnhông ƀă mơdêk tơrŭm cheăng ƀă mâu kong têa pú hmâ sap ing nah, tung mê, nhoăm tơrŭm cheăng ƀă Kazakhstan. Pôa Nguyễn Phú Trọng,  Kăn xiâm pơkuâ hnê ngăn Đảng tơpui tơno ƀă Kăn xiâm pơkuâ kong têa  Kazakhstan ‘na môi troăng rơhlâ pêi pro, tơdroăng vâ pêi ki kân cho mơdêk tơrŭm cheăng hmâ sap ton nah pơla péa tơnêi têa tâk ó tâ nếo, mơdêk tơrŭm tung tâi tâng tơdroăng xua vâ pro pơxúa dêi kuăn pơlê péa tơnêi têa, veăng ‘no hoăng  kân hơniâp lĕm, tơniăn ƀă kro mơdrŏng dêi kơpong ƀă lâp plâi tơnêi.