Kăn xiâm pơkuâ hnê ngăn Đảng tơmâng xo ƀă pơkâ thế péa Khu tơpui kâ Tơnêi têa pơtối tơrŭm krá tơniăn, mơdêk ki tơƀrê troăng hơlâ trâm mâ tiah hmâ pơla péa ngế xiâm tơpui kâ Tơnêi têa, mơdêk tơrŭm pơla mâu kơ koan tí tăng ‘nâi plĕng dêi Đảng, mơdêk hnoăng cheăng pơkâ troăng tơmiât tung la ngiâ dêi tơrŭm cheăng pơla péa Đảng ƀă tâi tâng khu tơrŭm péa tơnêi têa, ing mâu tơdroăng pêi pro ki khât nhen Tối tơbleăng tơdjuôm ‘na tơdroăng ki hiăng pêi klêi tung rôh lăm pôu păng ‘nâng Sinuâ pơla hdrối kố nah, ing mê, ăm tơrŭm cheăng khôi hmâ pơla péa Đảng, péa Tơnêi têa tâk troh a râ ki nếo.

Pôa Lưu Kiến Siêu tối môi tuăn khât ƀă kô pơtối tơmâng xo mâu rơkong tơpui tối ki kal dêi pôa Nguyễn Phú Trọng ‘na mơdêk tơrŭm cheăng pơla péa Đảng, péa tơnêi têa.