VOV4.Xơ Đăng - A tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng Kŏng san Việt Nam hiăng tơdah Ngế xiâm tơpui kong têa Rusi cho pôa Sergey Lavrov troh koh tơpui tơno drêng lăm pôu pêi cheăng a Việt Nam. Pôa Sergey Lavrov, Ngế xiâm tơpui kâ mơnê kơ pôa Nguyễn Phú Trọng hiăng mơdoh chôu tơdah ƀă tơbleăng mâu tơdroăng tơpui rơhéa a rôh hôp tơpui tơno, tơdroăng tơpui tung rôh lăm pôu ‘na tơrŭm cheăng pơla kong têa Rusi ƀă Việt Nam.

Tối tơdroăng ki nhoăm dêi Rusi ƀă tơdroăng tơrŭm tâi tâng pơla péa tơnêi têa, môi tuăn ƀă hnoăng cheăng xiâm dêi ASEAN tung kơpong, mơnê hnoăng veăng ‘no dêi Việt Nam a tơdroăng mơdêk tơrŭm pơla Rusi - ASEAN tung mâu hơnăm hdrối ƀă tối troăng rơhlâ dêi Rusi ‘na mâu tơdroăng lâp plâi tơnêi, tung mê, ai tá tơdroăng tơplâ a Ukriana. Pôa Nguyễn Phú Trọng tối, Việt Nam nhoăm tơdroăng tơrŭm cheăng pơla péa tơnêi têa; rơkâu hneăng lăm pôu dêi Ngế xiâm tơpui kâ Rusi klêi tơniăn lĕm.

Gương tơplôu tơbleăng