VOV4.Xơ Đăng - Pêi pro tiô tơdroăng trâm mâ kuăn pơlê hdrối hôp roh má 3 Kuô̆k hô̆i hneăng 15, kơxo lơ 12/5, pôa Nguyễn Phú Trọng, Kăn xiâm pơkuâ hnê ngăn Đảng rơtế ƀă mâu ngế tung khu kăn Kuô̆k hô̆i pơlê kong kân Hà Nội, tíu tâ phĭu kơxô̆ 1, trâm mâ kuăn pơlê a mâu pơlê krâm Đống Đa, Ba Đình, Hai bà Trưng hôp mơ’no tơdrêng tung măng Internet.

Teăng mâ mâu kăn Kuô̆k hô̆i tíu tâ phĭu kơxô̆ 1, pôa Nguyễn Phú Trọng nhoăm tơmâng xo tơdroăng hnê khĕn, tơpui ‘nâng ‘nâi, tơpui tơdrăng mâu tơdroăng kal, tơdroăng ki pơxúa, nhên la ga chiâng vâ pêi ƀă hnoăng pêi pro dêi kuăn pơlê, veăng mơdêk tơ-brê tơdroăng cheăng dêi Khu kăn Kuô̆k hô̆i pơlê kong kân Hà Nội ƀă Kuô̆k hô̆i  hneăng 15.

Pôa Nguyễn Phú Trọng, Kăn xiâm pơkuâ hnê ngăn Đảng trâm mâ kuăn pơlê hdrối hôp roh má 3 Kuô̆k hô̆i hneăng 15

Tối ‘na tơdroăng hbrâ mơdât kâ kơluâ mơdât pro tơdroăng ôh tá tro, pôa Nguyễn Phú Trọng, Kăn xiâm pơkuâ hnê ngăn Đảng ăm ‘nâi, a hneăng hôp tíu xiâm má 5 nếo mơgêi achê kố, Tíu xiâm hiăng môi tuăn mơjiâng khu hnê mơhno cheăng râ kong pơlê ‘na hbrâ mơdât kâ kơluâ vâ pơtối rak vế pêi pro mâu tơdroăng ki hiăng tơ-brê tung 10 hơnăm hdrối ing tơdroăng môi tuăn tơ-ƀrê troh 63 to kong pơlê pơlê kong kân tung lâp tơnêi têa veăng mơdât, tăng châ hlo mâu ngế ki pro ôh tá tro chiâng kâ kơluâ, pro ôh tá tro, mơ’nhiê kế tơmeăm.

Gương tơplôu ƀă tơbleăng