VOV4.Xơ Đăng - Pêi pro tơdroăng trâm mâ kuăn pơlê kơ’nâi roh hôp má 3 Kuô̆k hô̆i hneăng 15, kơxo lơ 23/6, pôa Nguyễn Phú Trọng, Kăn xiâm pơkuâ hnê ngăn Đảng rơtế ƀă mâu kăn Kuô̆k hô̆i tíu tâ phĭu  kơxô̆ 1, Khu kăn Kuô̆k hô̆i pơlê kong kân Hà Nội hiăng ai rôh trâm mâ kuăn pơlê a mâu pơlê krâm Ba Đình, Đống Đa ƀă Hai Bà Trưng. A rôh trâm mâ châ tơkŭm trâm mâ ƀă hlối hôp tơdrêng ‘no tiô troăng hyôh Internet ing tíu xiâm dêi Vi ƀan pơlê krâm Ba Đình troh 55 tíu mơ’no a 3 pơlê krâm ƀă veăng ai lối 1 rơpâu 200 ngế kuăn pơlê vâ tối tơbleăng tơdroăng dêi roh hôp má 3 ƀă tiâ tơdroăng kuăn pơlê kơ-êng, pâ thế.

Pôa Nguyễn Phú Trọng, Kăn xiâm pơkuâ hnê ngăn Đảng trâm mâ kuăn pơlê klêi rôh hôp má 3 Kuô̆k hô̆i hneăng 15

Teăng mâ mâu kăn Kuô̆k hô̆i tíu tâ phĭu kơxô̆ 1, pôa Nguyễn Phú Trọng, Kăn xiâm pơkuâ hnê ngăn Đảng nhoăm tơmâng xo mâu tơdroăng veăng hnê tối khât ki tơxâng, ki tro achê dêi hên kuăn pơlê. Pôa Nguyễn Phú Trọng ăm ‘nâi tơ’nôm, Hâi lơ 30 la ngiâ kô po hneăng Hôp tung lâp tơnêi têa mơgêi 10 hơnăm pêi cheăng hbrâ mơdât kâ kơluâ vâ mơgêi tơdroăng cheăng, mơhno mâu ƀai hriâm tung la ngiâ pơtối pêi tơƀrê mâu tơdroăng cheăng hiăng pơcháu.

Gương tơplôu ƀă tơbleăng