Tơpui a rôh leh pơxiâm mot hơnăm hriâm, pôa Nguyễn Trọng Nghĩa pơkâ thế, Đại học Bách khoa Hà Nội kal hlê trâu ƀă pơkuâ ngăn tŭm mâu túa tơmiât, troăng hơlâ hnê mơhno dêi Đảng ‘na hnê hriâm hnê mơjiâng tuăn ngoâ rơkê, khoa hok kŏng ngê̆, pơhlêh nếo tơmiât rơkê, pơhlêh kơxô̆. Mơdêk ki hlê plĕng ‘na tíu ối hnoăng cheăng dêi tơná tung hnoăng cheăng hnê mâu ngế cheăng rơkê.

Pơkuâ djâ hriăn ngăn khoa hok, pơhlêh nếo tơmiât rơkê tung kơvâ khoa hok kih thuât, kŏng ngê̆, vâ pêi pro châ tơdroăng ki pơkâ thế mơnhông rĕng, krá tơniăn dêi tơnêi têa. Tơdrêng amê hlối veăng gum kal khât tung tơdroăng mơnhông cheăng kâ rêh ối pơlê pơla ƀă rak vế tơniăn gâk kring kơpong Tơbăng Kroăng Hồng troh hơnăm 2030, hnơng cheăng pêi troh hơnăm 2045.