VOV4.Xơ Đăng - Drêng troh leh tơbâ 47 hơnăm hâi Châ tơleăng lêm lâp peăng Hdroh tơnêi têa, lâp tơnêi têa tơrŭm chiâng môi, 68 hơnăm plâ ƀlêi trâng Điện Biên Phủ, kơxê lơ 27/4 pôa Nguyễn Xuân Phúc, Ngế cheăng tung khu xiâm kal kí, Kăn xiâm hnê ngăn tơnêi têa, Kăn hnê ngăn Hô̆i đong cheăng lêng ƀă Kring tơniăn, Pơkuâ ngăn mâu lêng tơplâ lăm pôu, pêi cheăng ƀă Khu xiâm kŏng an ‘na kring vế tơniăn tơnêi têa.

Pôa Nguyễn Xuân Phúc, Kăn xiâm hnê ngăn lăm pôu pêi cheăng ƀă Khu xiâm Kŏng an rak tơniăn tung tơnêi têa

Tơpui hnê mơhno a rôh pêi cheăng, pôa Nguyễn Xuân Phúc tối tơdroăng lăm plâ ƀă xông pơplâ dêi mâu lêng ƀă kuăn pơlê pin a rơnó Hơngui 1975, mâu lêng kring vế tơniăn peăng Hdroh tơnêi têa, tung mê ai khu lêng kring vế tơniăn tơnêi têa hiăng veăng lăm plâ a tíu ki xiâm dêi lêng ngu\i, mâu kăn ngu\i, plâ hnâp tŭm tơdroăng ki vâ khu ‘mêi vâ hnó, rĕng châ plâ pơkuâ a tíu ki xiâm hiăng mơhno xoăng hdrối, veăng plâ hnâp khu kăn xiâm dêi  Mih - Ngu\i, rơtế ƀă mâu lêng ƀă kuăn pơlê pin pro tơleăng lê̆m peăng Hdroh, lâp tơnêi têa tơrŭm chiâng môi.

Tối mâu tơdroăng tung la ngiâ, Kăn xiâm hnê ngăn tơnêi têa pơkâ thế Khu xiâm kring vế tơniăn tơnêi têa pơtối pơkuâ, hnê mơhno tâi tâng tơdroăng cheăng Đảng tung pêi pro kring vế tơniăn tơnêi têa.

Gương tơplôu ƀă tơbleăng