VOV4.Xơ Đăng - A tíu pêi cheăng kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa ƀă kăn teăng mâ Ukraine, pôa Gaman Oleksandr, kăn teăng mâ Canada, pôa Shawn Perry Steil pơtroh kơthô. Pôa Nguyễn Xuân Phúc  tối nhên, Việt Nam đi đo ngăn tơdroăng tơrŭm tiah ton nah, tơrŭm tung tŭm tơdroăng cheăng ƀă Ukraina. Kăn teăng mâ Ukraina mơnê kơ pôa Nguyễn Xuân Phúc hiăng mơdoh chôu tơdah ƀă mơnê kơ Việt Nam hiăng veăng kum ƀă kơjo veăng, tŏng kum mâu kuăn pơlê Ukraina.

Kăn teăng mâ Ukrainâ, pôa Gaman Oleksandr pơtroh kơthô

Tung la ngiâ, Kăn teăng mâ kô ‘măn hên chôu lăm pôu mâu kong pơlê a Việt Nam vâ mơdêk tâ nếo tơrŭm cheăng pơla péa tơnêi têa tung hên tơdroăng. Tơdah kăn teăng mâ Canada a Việt Nam, kăn xiâm hnê ngăn tơnêi têa tối nhên, Việt Nam ƀă Canada ai tơdroăng tơrŭm cheăng tơniăn lê̆m, mơnhông tung hên tơdroăng. Mơhé xơpá xua pơreăng COVID-19, tơdroăng tơrŭm pơla péa tơnêi têa xuân ối rak vế. Kăn teăng mâ Canada tối, tung hneăng tơná pro kăn pôa kô mơ-eăm pêi cheăng tâi ivá tơná vâ mơdêk tâ nếo tơrŭm cheăng pơla péa tơnêi têa .

Gương tơplôu bă tơbleăng